جی سیون ممالک کا یوکرین پر حملے کی وجہ سے روس سے سونے کی درآمد پر پابندی لگانے پر اتفاق

برلن (آن لائن) جی سیون ممالک نے یوکرین پر حملے کی وجہ سے روس سے سونے کی درآمد پر پابندی لگانے اور دیگر ممالک کو

بھی برآمد رکوا نے پر اتفاق کرلیا۔عالمی خبر رساں ادارے کے مطابق جی- ممالک کے سربراہان نے روس کی مالیاتی لائف لائن

منقطع کرنے کے لیے نئے ٹھوس اقدام کے طور پر روس سے سونا برآمد کرنے پر پابندی لگوانے کا فیصلہ کیا ہے۔

وائٹ ہاؤس کی جانب سے جاری اعداد و شمار کے مطابق 2020 میں سونے کی تمام برآمدات میں روس کا حصہ تقریباً پانچ فیصد تھا

اور روس کی پیداوار کا 90 فیصد جی 7 ممالک کوبرآمد کیا جاتا ہے۔جنوبی جرمنی میں G-7 ممالک کے رہنماؤں کی ہونے والی ملاقات

میں روس پر نئی پابندیوں پر غور کیا گیا تاکہ روسی صدر ولادیمیر پوٹن کو جنگ کے خاتمے پر آمادہ کیا جا سکے۔

جی-7 رہنماؤں نے روس کے یوکرین پر حملے کے نتیجے میں دنیا بھر میں کساد بازاری کے بڑھتے ہوئے خطرے کے ساتھ ساتھ موسمیاتی تبدیلی پر بھی تشویش کا اظہار کیا ہے۔