فہیم اشرف سے خاتون مداح کی جانب سے شادی سے متعلق سوال پوچھنے کی ویڈیو وائرل ہوگئی
اسلام آباد (این این آئی)قومی ٹیم کے آل راؤنڈر فہیم اشرف سے ان کی خاتون مداح کی جانب سے شادی سے متعلق سوال پوچھنے کی
ویڈیو وائرل ہوگئی ۔فہیم اشرف نے ٹی وی پروگرام شریک ہوئے جس میں ان سے کچھ مداحوں نے دلچسپ سوال پوچھے۔
مناہل نامی ایک خاتون نے سوال کیا کہ آپ کے باقی دوستوں نے تو شادی کرلی تاہم آپ کا شادی کے بارے میں کیا خیال ہے؟
جواب میں فہیم نے بے ساختہ کہا کہ ابھی تو شاداب خان کی بھی نہیں ہوئیکرکٹر نے کہا کہ بس شادی کیلئے آپ دعا کریں،
اب دعاؤں پر ہی ساری امیدیں ہیں۔شو کے میزبان نے پوچھا کہ مناہل آپ نے یہ سوال ان سے کیوں پوچھا ، کیا آپ کا کیٹرنگ کا کام ہے؟’
جواب میں مداح نے کہا کہ ویسے ہی میرے ذہن میں یہ خیال آیا کہ حسن علی سمیت سب کی شادیاں ہوگئیں۔
فہیم اشرف نے جواب میں کہا کہ میں بس اپنے دوستوں کو دیکھ رہا ہوں کہ وہ کیسے رہ رہے ہیں، میں ان سے تجربہ حاصل کررہا ہوں، دیکھ رہا ہوں کہ کہیں شادی زیادہ مشکل کام تو نہیں ہے۔
