اسلام آباد (آن لائن)وفاقی وزیر داخلہ رانا ثناء اللّٰہ نے کہا ہے کہ ہم عمران خان کو جلسہ کرنے سے نہیں روکیں گے، پریڈ گراؤنڈ میں جلسہ کی اجازت دیں گے۔ نیب کو معصوم نہ سمجھیں، پوری دنیا میں یہی ہوتا ہے جو الزام لگاتا ہے اسے ثابت بھی کرنا ہوتا ہے۔نجی ٹی وی کے پروگرام’میں گفتگو کرتے ہوئے رانا ثناء اللّٰہ نے کہا کہ الزام ثابت کرنا پراسیکیوشن کا کام ہوتا ہے۔رانا ثناء اللّٰہ کا کہنا تھا کہ عمران خان پرامن احتجاج کریں اور اپنا بیانیہ عوام میں پیش کریں۔وزیر داخلہ نے کہا کہ عمران خان جتنا مرضی رو لیں، ان کا رونا کوئی نہیں سنے گا۔انہوں نے کہا کہ عمران خان خود پر لگنے والے کسی الزام کا جواب نہیں دے رہے بلکہ دوسروں پر الزام تراشی کررہے ہیں۔