اسلام آباد (این این آئی)نیپرا نے کے الیکٹرک کے اپریل کے ماہانہ فیول ایڈجسٹمنٹ کی مد میں 5 روپے 27 پیسے فی یونٹ اضافے کی منظوری دیدی ۔نیپرا کے نوٹیفیکیشن کے مطابق کے الیکٹرک نے 5 روپے 31 پیسے فی یونٹ اضافے کی درخواست کی تھی، اتھارٹی نے 14 جون 2022 کو ایف سی اے پر سماعت کی تھی،اس سے قبل مارچ کا ایف سی اے صارفین سے 4 روپے 83 پیسے چارج کیا گیا تھا، جو صرف 1 ماہ کیلئے تھا ،اپریل کا ایف سی اے مارچ کی نسبت 44 پیسے زیادہ چارج کیا جائے گا، اس کا اطلاق صرف جولائی کے ماہ کے بلوں پر ہوگا، اس کا اطلاق کے الیکٹرک کے تمام صارفین ماسوائے لائف لائن صارفین پر ہوگا۔