اسلام آباد(آن لائن)سرمایہ کاری کے نام پر عوام کو لوٹنے کے نیب ریفرنس میں احتساب عدالت اسلام آباد نے بی فور یو کمپنی کے مالک سیف الرحمن سمیت تمام ملزمان پر آئندہ سماعت میں فرد جرم عائد کرنے کا فیصلہ کیا ہے۔ عدالت نے حکم دیا ہے کہ تمام ملزمان 12 جولائی کو اپنی حاضری یقینی بنائیں تاکہ فرد جرم عائد کی جائے۔ عدالت نے ہدایات جاری کی کہ تمام ملزمان کو ریفرنس کی کاپیاں فراہم کی جائیں۔ یاد رہے کہ ملزم سیف الرحمان اور دیگر کے خلاف عوام سے اربوں روپے لوٹنے کا الزام ہے کیس کی سماعت احتساب عدالت کے جج اعظم خان نے کی کیس کی مزید سماعت 12 جولائی کو ہوگی۔ رہے کہ ملزم سیف الرحمان کی اسلام آباد ہائیکورٹ نے ضمانت منظور کی تھی۔