نئی دہلی(این این آئی)بھارتی وزیراعظم نریندر مودی اور یوگی کی ظلم و زیادتیاں بھارتی مسلمانوں کو گستاخی کے خلاف احتجاج سے نہ روک سکیں۔میڈیارپورٹس کے مطابق بریلی شہر میں ہوئے مظاہرے میں ہزاروں افراد نے شرکت کی اور بی جے پی کی سابق ترجمان نوپور شرما اور گستاخی میں ملوث دیگر عہدیداروں کی گرفتاری کا مطالبہ کیا۔بھارت میں انتہا پسندی کے خلاف مسلمانوں کی آواز کو دبانے کے لیے مودی حکومت نے نئے ہتھکنڈے اپناتے ہوئے گستاخانہ بیانات کے خلاف احتجاج کرنے والے مسلمانوں کے گھر گرانا شروع کردیئے ۔بھارتی میڈیا کے مطابق اس حوالے سے سوشل میڈیا پر ویڈیوز بھی وائرل ہوئی ہیں جس میں ہندو انتہا پسند پولیس کی نگرانی میں مسلمانوں کے گھروں کو بلڈوزر کی مدد سے مسمار کررہے ہیں۔