مودی کی والدہ 100ویں سال میں داخل، بھارتی وزیراعظم کا ماں سے متعلق جذباتی بلاگ

نئی دہلی(این این آئی)بھارتی وزیر اعظم نریندر مودی کی والدہ ہیرا بین مودی نے زندگی کی 99 بہاریں دیکھ لیں۔

بھارتی میڈیا رپورٹس کے مطابق نریندر مودی کی والدہ نے گزشتہ روز اپنی سالگرہ منا ئی ،

اس موقع پر مودی نے اپنی ماں ہیرا بین مودی سے گجرات میں گاندھی نگر میں ان کی رہائش گاہ پر ملاقات کی۔

18جون 1923 کو پیدا ہونے والی ہیرا بین مودی اپنی زندگی کے 100ویں سال میں داخل ہوگئی ہیں۔مودی نے اپنی ماں کے لیے ایک جذباتی بلاگ لکھا

جس کا لنک انہوں نے اپنے ٹوئٹر اکاونٹ پر شیئر کیا۔انہوں نے اپنے ٹوئٹ میں لکھا کہ ماں، محض ایک لفظ نہیں ہے بلکہ یہ بہت سے جذبات کو اپنی لپیٹ میں لے لیتا ہے۔

بھارتی وزیراعظم نے لکھا کہ آج،18 جون وہ دن ہے جب میری والدہ اپنے 100ویں سال میں داخل ہو رہی ہیں۔مودی نے مزید لکھا کہ اس خاص دن پر، میں نے خوشی اور تشکر کا اظہار کرتے ہوئے اپنے خیالات لکھے ہیں۔

موضوعات:مودی کی والدہ