عمران خان کی کال پر مہنگائی اور لاقانونیت کے خلاف ملک گیر احتجاج کا اعلان
اسلام آباد(این این آئی) سابق وزیر اعظم اور پاکستان تحریک انصاف کے چیئر مین عمران خان کی کال پر مہنگائی اور لاقانونیت کے خلاف ملک گیر احتجاج اتوار کوہوگا۔
پاکستان تحریک انصاف کے مرکزی رہنما فواد چوہدری نے اپنے بیان میں کہاکہ عوام سے بالخصوص بڑے شہروں کے لوگ احتجاج میں شریک ہوں۔
انہوں نے کہاکہ ملتان میں چوک شاہ عباس،کراچی میں شاہراہ قائدین پر احتجاج ہوگا۔ سابق وزیر نے کہاکہ لاہور میں لبرٹی چوک،فیصل آباد میں چوک گھنٹہ گھر میں احتجاج ہوگا۔
فواد چوہدری نے کہاکہ راولپنڈی میں کمرشل مارکیٹ،پشاور میں ہشتنگری گیٹ پر احتجاج ہوگا۔انہوں نے کہاکہ اسلام آباد میں ایف نائن پارک میں احتجاج ہوگا۔
انہوں نے کہاکہ عوام مسلط کردی حکومت کے خلاف نکلیں اپنا احتجاج کریں،احتجاج نئے انقلاب کی آواز ہوگا۔ فواد چوہدری نے کہاکہ لوگ مہنگائی،
پٹرولیم مصنوعات بجلی کی قیمتوں میں اضافہ کے خلاف نکلیں،فواد چوہدری نے کہاکہ ہزاروں کی تعداد میں اپنے بچوں کے ہمراہ نکلیں گے۔
