لاہور ہائیکورٹ سے حکومت کیلئے انتہائی بری خبر

لاہور،اسلام آباد(مانیٹرنگ ڈیسک ،آن لائن)پٹرولیم قیمتوں میں اضافے کو لاہور ہائیکورٹ میں چیلنج کردیا گیا۔

نجی ٹی وی دنیا نیوز کے مطابق گزشتہ روز ہونے والے پٹرول ، ڈیزل اور مٹی کے تیل کی قیمتوں میں اضافے کو لاہور ہائیکورٹ میں چیلنج کردیا گیا ہے ۔

یاد رہے کہ اتحادی حکومت نے ایک بار پھر پیٹرولیم مصنوعات کی قیمتوں میں بڑا اضافہ کیا ہے ،پیٹرول کی قیمت 24 روپے تین پیسے فی لیٹر جب کہ ڈیزل کی قیمت 59 روپے فی لیٹر بڑھا دی ۔

گذشتہ روز پریس کانفرنس سے خطاب میں وزیر خزانہ مفتاح اسماعیل نے اعلان کیا کہ پیٹرول کی قیمت 24 روپے تین پیسے فی لیٹر جب کہ ڈیزل کی قیمت 59 روپے فی لیٹر بڑھا دی گئی ہے۔

پیٹرول کی نئی قیمت 233 روپے فی لیٹر جب کہ ڈیزل کی نئی قیمت 263 روپے 31 پیسے ہو گئی ہے۔اس کے علاوہ لائٹ ڈیزل 29 روپے 61 پیسے جب کہ مٹی کا تیل 29 روپے59 پیسے فی لیٹر مہنگا کیا گیا ہے۔پیٹرولیم مصنوعات کی نئی قیمتوں کا اطلاق آج بروز جمعرات سے ہو گا۔