لاہور( این این آئی)آئی جی پنجاب نے ڈی ایس پی سے ایڈیشنل آئی جی رینک کے افسران تک پٹرول کا کوٹہ فکس کر دیا، افسران کو دور دراز اجلاس کی بجائے آن لائن میٹنگز کرکے

تیل کی بچت کرنے کی ہدایت بھی جاری کردی گئی۔رواں مالی سال کے آغاز میں پنجاب پولیس کی ہزاروں گاڑیوں کے گشت کیلئے فیول کی مد میں 5 ارب کے قریب اخراجات مختص کیے گئے تھے

تاہم اب قیمتیں بڑھنے کے بعد آئی جی پنجاب نے افسران کا پٹرول فکس کردیا ۔مراسلے کے مطابق ہیڈ کوارٹرز میں کام کرنے والے افسران فکس کردہ حد سے زیادہ پٹرول استعمال نہیں کرسکیں گے،

ڈی ایس پی ماہانہ 125 لٹر،ایس پی سے ایس ایس پی رینک کے افسران 175 لٹر پٹرول ماہانہ استعمال کرسکیں گے۔ڈی آئی جی رینک کے افسران کو200جبکہ ایڈیشنل آئی جیز کو350لٹر تیل

مختص کردیاگیا۔اضافی تیل کے استعمال کے لئے افسران کو اعلی افسران سے منظوری لینا ہوگی۔فیلڈ میں کام کرنے والے افسران پٹرولنگ کے مطابق پٹرول استعمال کریں گے

اورپٹرولنگ کی تمام تفصیلات بھی فراہم کریں گے۔افسران کو پولیس کی موٹرسائیکلوں کاتیل کوٹہ فکس کرنے،

جنریٹر کا استعمال مخصوص برانچز میں کرنے اورہیوی مشینری کو جنریٹر سے منسلک نہ کرنے کی ہدایت بھی جاری کی گئی۔