اسلام آباد (این این آئی)وفاقی حکومت نے متحدہ عرب امارات کے صدر کیلئے 100 بکریاں برآمد کرنے کا فیصلہ کرلیا۔ذرائع کے مطابق خصوصی اجازت نامے کے تحت بکریاں برآمد کرنے کا فیصلہ کیا گیا ہے اور کابینہ نے وزارت خارجہ کی سمری کی سرکولیشن کے ذریعے منظوری دی۔ذرائع کے مطابق بکریاں یو اے ای کے صدر شیخ محمد بن زاید کیلئے برآمد کی جائیں گی۔ذرائع کے مطابق ایکسپورٹ پالیسی آرڈر 2020 کے تحت زندہ جانوروں کی برآمد پر پابندی عائد ہے جس کے باعث وفاقی کابینہ سے بکریوں کی برآمد کیلئے خصوصی اجازت مانگی گئی۔