غلط خبر کی نشاندہی،فیاض چوہان کو غصہ آگیا

اسلام آباد (این این آئی)سابق وزیر اور پی ٹی آئی رہنما فیاض چوہان غلط خبر کی نشاندہی پر طیش میں آکر پروگرام چھوڑ کر چلے گئے۔

سوشل میڈیا پر فیاض الحسن چوہان کی ایک ویڈیو گردش کررہی ہے جس میں انہیں اینکر کے سوال پر موجودہ حکومت پر تنقید کرتے دیکھا جاسکتا ہے۔

دوران پروگرام فیاض چوہان نے کہا کہ صبح کو یہ حکمران حوصلہ افزا تقریر کرتے ہیں اور شام کو یہی حکمران کرپشن کے 40 ارب کے کیسز پر عدالت میں پیشی بھگتتے ہیں۔

آنے کے بعد یہی حکمران کیسز دیکھنے والے افسران کے تقرر و تبادلے کرتے ہیں اور شام کو مہنگائی کے اعلان کے بعد دھاڑے دھاڑے مار مار کر روتے ہیں۔

انہوں نے کہا کہ اس کے بعد رات کو وزیر اعظم ہاؤس میں 15 کروڑ مالیت سے تیار کیے جانے والے سوئمنگ پول میں نہاتے ہیں۔فیاض چوہان کی بات پر اینکر کا کہنا تھا کہ یہ خبر غلط اور جھوٹ ہے جس پر فیاض چوہان طیش میں آگئے اور کال ہی کاٹ دی۔

موضوعات:فیاض الحسن چوہان