کیف(این این آئی)گذشتہ فروری میں یوکرین میں روسی فوجی آپریشن کے آغاز کے بعد سے روسی فوج کو بڑے جانی نقصان اور کئی دھچکوں کا سامنا کرنا پڑا ہے،

جن میں نمایاں طور پر یوکرین کی فوج کے ساتھ لڑائیوں اور مزاحمت کے دوران میدان جنگ میں سرکردہ جرنیلوں کی ہلاکت ہے۔

میڈیارپورٹس کے مطابق روس کی طرف سے ہونے والی تازہ ترین ہلاکتوں میں روس کے سرکاری میڈیانے اطلاع دی کہ مشرقی یوکرین میں ایک روسی جنرل ہلاک ہو گیا۔

ڈونباس میں جنرل رومن کٹوزوف کے قتل کی تصدیق کی گئی ، تاہم یہ نہیں بتایا گیا کہ یہ قتل کب ہوا ہے۔دوسری جانب روسی وزارت دفاع کی جانب سے ابھی تک کوئی تبصرہ سامنے نہیں آیا

۔یہ امر قابل ذکر ہے کہ روسی حکام نے گذشتہ اپریل میں انکشاف کیا تھا کہ اب تک 8 اہم فوجی جنرل مارے جا چکے ہیں

۔روس فوجیوں کی ہلاکتوں کی تعداد کو ریاستی راز سمجھتا ہے اور اس نے 25 مارچ سے یوکرین میں اپنی تعداد کو اپ ڈیٹ نہیں کیا ہے۔

روس نے پہلے یہ تسلیم کیا تھا کہ فوجی مہم کے آغاز سے اب تک 1,351 روسی فوجی مارے جا چکے ہیں۔