اسلام آباد (این این آئی)لودھراں سے مسلم لیگ (ن )کے سابق ایم این اے پیر اقبال شاہ اور سابق ایم پی اے پیر عامر اقبال شاہ نے پاکستان تحریک انصاف میں باضابطہ شمولیت کرلی ۔ پیر کو دونوں اراکین نے چیئرمین پاکستان تحریک انصاف عمران خان سے ملاقات کی جس میں لیگی رہنما نے اپنے ساتھیوں سمیت پاکستان تحریک انصاف شمولیت کا اعلان کیا ۔ملاقات میں ملکی موجودہ سیاسی صورتحال اور بدترین معاشی صورتحال پر تبادلہ خیال کیا گیا۔ ترجمان تحریک انصاف کے مطابق دونوں رہنماؤں نے عمران خان کی قیادت پر مکمل اعتماد کا اظہا ر کیا اور کہا کہ پاکستان کے تمام مسائل کا حل صرف اور صرف عمران خان کے پاس ہے۔