پتوکی (این این آئی)تحریک انصاف کے رہنما و سابق صوبائی وزیر مواصلات وتعمیرات سردار محمد آصف نکئی کے سینکڑوں ساتھی مسلم لیگ (ن) کے رانا حیات خان گروپ میں شامل ہوگئے۔تفصیلات کے مطابق پتوکی کے نواحی گاؤں گھڑیا لہ ولٹوہا سے تعلق رکھنے والے تحریک انصاف کے رہنما اور سابق صوبائی وزیر مواصلات وتعمیرات سردار محمد آصف نکئی گروپ سے تعلق رکھنے والے رہنماؤں حاجی لیاقت سندھو،حاجی عباس سندھو اور حاجی سخاوت نے سینکڑوں ساتھیوں کے ہمراہ نکئی گروپ چھوڑ کر مسلم لیگ (ن) کے رانا محمد حیات خان کے گروپ میں شمولیت کا اعلان کر دیا ہے۔