اسلام آباد (مانیٹرنگ ڈیسک )سینئر صحافی سلیم صافی نے محسن دواڑ کا نام ای سی ایل سے نہ نکلنے پر سوالیہ نشان اٹھا دیا ۔ سماجی رابطے کی ویب سائٹ ٹویٹر پر ان کا کہنا تھا کہ ’’سب مسلم لیگیوں کے نام ای سی ایل سے نکل گئے لیکن محسن داوڑ کا نہیں، کیا یہ کھلا تضاد نہیں؟۔انکا مزیدکہنا تھا کہ اگر وہ مجرم ہیں تو پھر ان سے ووٹ کیوں لیا؟۔ دوسری جانب سینئر تجزیہ کار و صحافی سلیم صافی نے وزیراعظم شہباز شریف کے دورہ سعودی عرب پر بڑے وفد کیساتھ جانے پر اعتراض اٹھا دیا ۔ سماجی رابطے کی ویب سائٹ ٹویٹر پر سلیم صافی نے کہا ہے کہ ’’پتہ چلا ہےکہ وزیراعظم شہبازشریف اپنےدورہ سعودی عرب پرکئی درجن افراد پرمشتمل قافلہ اوراتحادیوں کو بھی ساتھ لے جانا چاہتے ہیں۔ سینئر اینکر پرسن کا کہنا تھا کہ یہ میزبان ملک کو بھی اچھا نہیں لگتا،یہ کسی صورت مناسب نہیں،صرف ضروری حکام کوساتھ جانا چاہئے۔انہوں مزید کہا ہے کہ سرکاری دوروں کےنام پرعمروں کا یہ سلسلہ بھی ختمہونا چاہئے۔