اسلام آباد (این این آئی) جماعت اسلامی کے رکن اسمبلی مولانا عبد الاکبر چتراتی نے کہا ہے کہ ایک دوسرے کو برے ناموں سے مخاطب کرنے کا رویہ ایوان سے ختم ہونا چاہیے،،پرانی تبدیلی،نئی تبدیلی کے بعد اب ایک اور تبدیلی آ گئی ہے،وزارتوں میں چہرے تبدیل ہوگئے ہیں ۔

نظام کی تبدیلی بہت ضروری ہے۔ قومی اسمبلی میں اظہار خیال کرتے ہوئے انہوں نے کہاکہ ایک دوسرے کو برے ناموں سے مخاطب کرنے کا رویہ ایوان سے ختم ہونا چاہیے،ایک پرانی تبدیلی تھی، اور اب ایک حالیہ تبدیلی آئی ہے،چہرے بدل رہے ہیں تاہم نظام میں تبدیلی نہیں آئی۔ انہوں نے کہاکہ جماعت اسلامی چاہتی ہے کہ اس ملک میں اللہ کا قانون نافذ ہونا چاہیے۔ انہوں نے کہاکہ ملک آئی ایم ایف کی غلامی میں دینے کے بجائے اللہ کی غلامی میں دے دیا جانا چاہیے۔ انہوں نے کہاکہ میرا ربا کے خاتمے کا بل 2019 سے اس ایوان میں زیرالتوا ہے،گزشتہ دور میں ایک دن میں سات سو ارب روپے سود پر چڑھا،سودی نظام کے خاتمے تک ملکی معیشت ترقی نہیں کر سکتی۔انہوں نے کہاکہ ہمیں اپنے رویے تبدیل کرنے ہونگے،(ن )لیگ کے ایک رکن نے پرانی حکومت کیلئے کچھ الفاظ استعمال کیے جو اب نہیں ہونا چاہیے۔ انہوں نے کہاکہ میں نے 2019 میں سود کے خاتمے سے متعلق بل پیش کیا،میرا پیش کیا گیا بل ابھی تک کمیٹیوں میں رل رہا ہے،فروغ نسیم نے میرے بل کی مخالفت کی تھی۔ انہوں نے کہاکہ سود کا نظام ختم ہوگا تو ہماری معیشت ترقی کرے گی۔انہوں نے کہاکہ مساجد اور مدارس سے ٹیکس لیا جاتا ہے کیا اللہ کے گھروں پر ٹیکس لگایا جاتا ہے

موضوعات:جماعت اسلامی