اسلام آباد ( آن لائن ) پاکستان نے بی بی سی اردو کیخلاف من گھڑت اور جھوٹی سٹوری چھاپنے پر بی بی سی ہیڈکوارٹر سے جواب طلب کرلیا ۔ پاکستان کی تحریری شکایت ڈائریکٹر جنرل بی بی سی کو موصول ہوگئی ہے اور نشریاتی ادارے نے شکایت وصولی کی تصدیق بھی کردی ہے ۔ نشریاتی ادارے بی بی سی نے پاکستان کی جانب سے کی جانے والی شکایت پر معاملے کا جائزہ بھی لینا شروع کردیا ہے ۔واضح رہے کہ دس اپریل 2022 کو بی بی سی اردو نے ایک انتہائی لغو اور بے بنیاد سٹوری شائع کی تھی اس سٹوری میں تمام باتیں حقائق اور صحافتی اصولوں کے منافی تھیں ۔ترجمان افواج پاکستان سمیت تمام اسٹیک ہولڈرز اس سٹوری کو رد کرچکے ہیں یاد رہے کہ بی بی سی اردو ماضی میں بھی ایسی ہی بے بنیاد اور جھوٹی سٹوریاں شائع کرتا رہا ہے۔