لاہور( این این آئی) چیئرمین پاکستان تحریک انصاف و سابق وزیر اعظم عمران خان نے امیر جماعت اسلامی سینیٹر سراج الحق سے ٹیلیفونک رابطہ کر کے ملکی سیاسی صورتحال، دوطرفہ معاملات اور باہمی دلچسپی کے امور پر تفصیلی بات چیت کی ۔ عمران خان نے کہا کہ ان کی حکومت کو ایک باضابطہ سازش کے تحت ہٹایا گیا، قومی رجحانات کی حامل محب وطن قوتوں کو باہم مل کر اس سازش کو ناکام بنانا ہوگا۔امیر جماعت اسلامی سینیٹر سراج الحق کی جانب سے عمران خان کیلئے نیک تمنائوں کا اظہار کیا گیا ۔دونوں قائدین نے روابط میں تسلسل برقرار رکھنے پر اتفاق کیا ۔عمران خان کی ہدایت سے پرویز خٹک اور اسد قیصر جماعت اسلامی سے روابط آگے بڑھانے کا فریضہ سرانجام دیں گے۔