اسلام آباد(آئی این پی)رواں مالی سال کے دوران 900ارب کے وفاقی ترقیاتی بجٹ میں سے صرف 423ارب روپے خرچ کیے جا سکے ہیں۔ نجی ٹی وی کے مطابق اس عرصے کے دوران 603ارب 53کروڑ روپے اجرا کی منظوری دی گئی۔ مالی سال کے پہلے نو ماہ کے دوران پی ایس ڈی پی کے 80 فیصد ہدف کے مقابلے میں ترقیاتی بجٹ کے 47فیصد فنڈز ہی استعمال میں لائے جا سکے ۔دستیاب دستاویز کے مطابق سابق حکومت کی جانب سے پبلک سیکٹر ڈویلپمنٹ پروگرام کے تحت جا ری منصوبوں کے فنڈز کا استعمال ہدف کے مقابلے میں انتہائی کم رہا جس کے باعث پبلک سیکٹر ڈویلپمنٹ منصوبے تعطل کا شکار ہونے کا خدشہ ہے ۔