راولپنڈی(این این آئی)شمالی وزیرستان کے علاقے ایشام میں پاک افغان سرحد کے قریب فوجی قافلے پر حملہ کے دور ان جوابی کارروائی میں4 دہشت گردمارے گئے ،شدید فائرنگ کے تبادلے کے دوران 7 فوجی شہید ہوگئے۔ آئی ایس پی آر کے مطابق شہداء میں 36 سالہ حوالدار طارق یوسف، 34 سالہ سپاہی سلیمان وقاص، 26 سالہ سپاہی جنید علی ،27 سالہ سپاہی اعجاز حسین، 25 سالہ سپاہی وقار احمد، 24سالہ سپاہی محمد جواد امیر، 23 سالہ سپاہی ارشد علی شامل ہیں۔ آئی ایس پی آر کے مطابق دہشت گردوں کے خاتمے کے لیے علاقے میں کلیئرنس آپریشن جاری ہے،پاک فوج دہشت گردی کی لعنت کو ختم کرنے کے لیے پرعزم ہے ۔ بیان کے مطابق ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔