لاہور(این این آئی)مسلم لیگ (ن) کے قائد نواز شریف سے سے مرکزی جمعیت اہلحدیث پاکستان کے ناظم اعلی سینیٹر ڈاکٹر حافظ عبدالکریم نے لندن میں ملاقات کی جس میں ملک کی سیاسی صورتحال کے حوالے سے تبادلہ خیال کیا گیا۔ملاقات میں نواز شریف نے کہا کہ پی ٹی آئی کی حکومت ملکی معیشت کا بیڑا غرق کرکے گئی۔پی ڈی ایم کی حکومت کو ملک کو اپنے پاؤں پر کھڑا کرنے کے لیے کٹھن مراحل سے گزرنا پڑرہا ہے تاہم شہباز شریف اپنے اتحادیوں کو ساتھ لے کر اپنی تمام تر صلاحیتوں کو بروئے کار لائیں گے اور عوام کو ہر ممکن ریلیف دیں گے۔ انہوں نے کہا کہ پاکستان میں اس وقت قومی یکجہتی کی اشد ضرورت ہے۔