اسلام آباد (این این آئی)سابق وزیر داخلہ شیخ رشید نے قومی اسمبلی کی رکنیت سے مستعفی ہونے کے بعد سوشل میڈیا پر عوام کے نام پہلا پیغام جاری کرتے ہوئے کہاہے کہ نکلو پاکستان کی خاطر، نکلو اپنے روشن اور محفوظ مستقبل کی خاطر۔اپنے بیان میں سابق وزیر داخلہ شیخ رشید احمد نے مائیکرو بلاگنگ سائٹ ٹوئٹر پر موجود اپنے تصدیق شدہ اکائونٹ پر پاکستان کے عوام کے لیے خصوصی پیغام جاری کیا۔انہوں نے اپنے پیغام میں کہا کہ نکلو پاکستان کی خاطر، نکلو اپنے روشن اور محفوظ مستقبل کی خاطر۔سابق وزیر داخلہ نے اپنے ٹوئٹ میں ہیش ٹیگ امپورٹڈ گورنمنٹ نامنظور کا بھی استعمال کیا۔ انہوں نے سابق وزیراعظم اور چیئرمین پی ٹی آئی عمران خان کے ٹوئٹ پر بھی ردعمل دیا تھا جس میں انہوں نے اعلان کیا تھا کہ وہ بدھ کے روز عشا کی نماز کے بعد پشاور میں ایک اجتماعِ عام سے خطاب کریں گے۔اس ٹوئٹ پر ردعمل دیتے ہوئے شیخ رشید احمد نے کہا کہ پوری قوم عمران خان کے ساتھ چٹان کی طرح کھڑی ہے۔