اسلام آباد(مانیٹرنگ ڈیسک )وزیراعظم ہاؤس کے ذرائع کا کہنا ہے کہ عمران خان کے بطور وزیراعظم کام جاری رکھنے کا نوٹیفکیشن جاری نہیں ہوسکا ہے۔نجی ٹی وی جیو نیوز کےذرائع وزیر اعظم ہاؤس کے مطابق وزیراعظم کےکام جاری رکھنےکانوٹیفکیشن کسےجاری کرنا ہےکسی کو پتہ نہیں۔علاوہ ازیں قومی اسمبلی تحلیل ہونے کے بعد صدر نے آئین کے آرٹیکل 224A (4)کے تحت وزیراعظم کوکام جاری رکھنے کا کہا ہے، صدرمملکت کےحکم کےتحت وزیراعظم کی برخاستگی اور اسمبلی کے تحلیل ہونےکا نوٹیفکیشن جاری ہوگیا ہے۔