اسلام آباد (مانیٹرنگ، این این آئی) آئی ایم ایف نے نئی حکومت کے آنے تک پاکستان کے ساتھ جاری مذاکرات بند کردیے، عالمی مالیاتی فنڈ (آئی ایم ایف) نے کہا ہے کہ مجوزہ نئی پاکستانی حکومت کے ساتھ دوبارہ بات چیت کے لیے پرعزم ہیں۔ آئی ایم ایف کے مطابق نئی حکومت بننے کے بعد قرض پروگرام میں شمولیت پر بات ہوگی، نئی حکومت سے معاشی پالیسیوں پر بات چیت کی جائے گی۔آئی ایم ایف نے کہاکہ اس کا پاکستان کیلئے اپنا قرض پروگرام معطل کرنیکا کوئی ارادہ نہیں، مجوزہ نئی حکومت کیساتھ دوبارہ بات چیت کے لیے پرعزم ہیں۔