اسلام آباد (این این آئی)پی ٹی آئی کے رہنما اور رکنِ قومی اسمبلی عامر لیاقت حسین کو طبیعت ناساز ہونے پر اسپتال منتقل کردیا گیا۔عامر لیاقت حسین کی صحت سے متعلق اطلاع ان کے مصدقہ ٹوئٹر اکاؤنٹ کے ذریعے دی گئی اور ساتھ ہی اسپتال سے کچھ تصاویر بھی شیئر کیں۔
ٹوئٹ میں بتایا گیا کہ عامر لیاقت کو دل کی تکلیف ہوئی جس کے بعد اْنہیں ایمرجنسی میں اسپتال لے جایا گیا۔ عامر لیاقت حسین کے مطابق اْن کی طبیعت ناسازی پر وزیراعظم عمران خان نے اظہارِ تشویش کیا اور ڈاکٹرز کو ان پر توجہ دینے کی ہدایت کی۔دوسری جانب عامر لیاقت حسین کا اسپتال میں موجود اراکین سے مکالمہ کرتے ہوئے کہنا تھا کہ وہ وزیراعظم عمران خان سے ملنے ضرور جائیں گے۔تصاویر میں دیکھا جاسکتا ہے کہ عامر لیاقت حسین اسپتال میں موجود ہیں جہاں انہیں ڈرپ لگی ہوئی ہے۔خیال رہے کہ عامر لیاقت حسین اکثر و بیشتر اپنی جماعت پاکستان تحریک اںصاف سے سخت نالاں رہتے ہیں ، گزشتہ دنوں انہیں سندھ ہائوس میں دیکھا گیا تھا جس کے بعد انہیں پی ٹی آئی کے واٹس ایپ گروپ سے بھی نکال دیا گیا تھا۔
رکن قومی اسمبلی ڈاکٹر عامر لیاقت حسین کو دل کی تکلیف، ایمرجنسی لے جایا گیا، وزیراعظم کا اظہار تشویش، ڈاکٹرز کو توجہ دینے کی ہدایت، کل ویراعظم سے ملنے ضرور جاؤں گا ، عامر لیاقت کا ساتھ موجود اراکین سے مکالمہ@ImranKhanPTI @AliHZaidiPTI @Asad_Umar pic.twitter.com/Adzmi4GoiG
— Aamir Liaquat Husain (@AamirLiaquat) April 1, 2022
