اسلام آباد (این این آئی) پاکستان مسلم لیگ (ن) کی ترجمان مریم اور نگزیب نے کہاہے کہ عمران صاحب کاکرپشن کا بیانیہ ملکی اور غیر ملکی عدالتوں، ہر قانونی فورم پرپٹ گیا۔ اپنے بیان میں انہوںنے کہاکہ مدینہ کے پاک نام پر سیاست کا بیانیہ آپ کی بدترین اور بھیانک کارکردگی کی نذر ہو گیا۔ امر باالمعروف کی مقدس قرآنی اصطلاح آپ نے اپنے سیاسی ڈھونگ اور سیاہ اعمال کی بھینٹ چڑھائی۔ترجمان کے مطابق غیرملکی سازش کا ڈرامہ تو عدم اعتماد کے ذریعے دفن ہونے والا ہے،قوم کے ساتھ اپریل فول کھیلنے کے بجائے تاریخی کرپشن اور 16 فیصدمہنگائی،60 لاکھ لوگ بے روزگاری،2 کروڑ لوگوں کو غریب کرنے ،ڈالر120 سے 185،آٹا 35 سے 100،چینی 52 سے 120،گھی 130 سے 500،55000 قرض،پٹرول 96 سے 150،کا جواب دیں۔