اسلام آباد (این این آئی)وفاقی دارالحکومت اسلام آباد میں سیاسی گرما گرمی اور پھر سورج کی تپش کے باعث قائد حزب اختلاف پریشان دکھائی دیئے ، پارلیمنٹ ہائوس کے باہر بلاول بھٹو زر داری اور دیگر اپوزیشن رہنمائوں کے ہمراہ میڈیا سے بات چیت کے دور ان اپوزیشن لیڈرشہباز شریف کبھی ہیٹ، کاغذ یا چھتری کا سہارا لیتے نظر آئے۔وائرل ہونے والی ویڈیو میں دیکھا جاسکتا ہے کہ شبہاز شریف نے کبھی کاغذ سر پر رکھا، تو کبھی ہیٹ پہنا لیکن دھوپ سے بچاؤ ممکن نہ ہوسکا، پھر کسی نے چھتری دی تو شہباز شریف کو کچھ قرار آیا۔چھتری ملنے پر شہباز شریف نے بلاول بھٹو کو بھی سائے میں آنے کی پیشکش کی، مگر بلاول نے مخصوص انداز میں ہاتھ جوڑ کر شکریہ ادا کیا، جیسے کہہ رہے ہوں وہ جہاں اور جیسے ہیں ٹھیک ہیں۔