اسلام آباد(مانیٹرنگ ڈیسک) ستائیں مارچ کو اسلام آباد میں امربالمعروف جلسے میں شرکت کے لیے اپوزیشن لیڈر سندھ اسمبلی حلیم عادل شیخ کی قیادت میں کراچی سے کارواں روانہ ہو گیا۔نجی ٹی وی دنیا نیوز کے مطابق ستائیس مارچ کو پی ٹی آئی کے اسلام آباد میں پاور شو کے لیے کراچی کے کارکنان کا قافلہ قائد حزب اختلاف سندھ اسمبلی حلیم عادل شیخ کی قیادت میں سہراب گوٹھ سے روانہ ہوا۔ میڈیا سے گفتگو میں پی ٹی آئی رہنما کا کہنا تھا کہ کھانے اپوزیشن کے ساتھ کھائیں گے لیکن اتحادی ساتھ وزیراعظم کا ہی دیں گے۔جوش خطابت میں حلیم عادل شیخ کی زبان بھی لڑکھڑا گئی اور کہہ دیا کہ ’’انشاءاللہ تحریک عدم اعتماد کامیاب ہوگی‘‘۔ کارواں مختلف شہروں سے ہوتا ہوا کارواں کل اسلام آباد پہنچے گا۔