کیف (این این آئی)یوکرینی سیاست دان کی اہلیہ کو لاکھوں ڈالرز سمیت فرار ہونے کی کوشش میں گرفتار کرلیا گیا۔غیر ملکی خبررساں ادارے کی رپورٹ کے مطابق یوکرین میں یورینیئم کے بڑے ڈیلر اور نامور سیاست دان کی اہلیہ اناستاسیا کوتفیتسکا بیک میں لاکھوں ڈالرز لے کر

فرار ہونے کی کوشش کررہی تھیں تاہم انہیں سرحد پر گرفتار کرلیا گیا۔رپورٹ میں بتایا گیا کہ یوکرینی حسینہ کئی ملین ڈالرز پر مشتمل بیگ میں 28 ملین ڈالرز کے علاوہ 1.3 ملین یورو بھی پکڑے گئے جب کہ وہ سرحد پار کرکے یورپی یونین میں داخل ہونے کی کوشش کر رہی تھیں۔سرحد پر موجود کسٹم حکام نے یوکرینی حسینہ کو روک کر ان کی تلاشی لی تو ان کے بیگ سے لاکھوں ڈالر برآمد ہونے پر نہ صرف انہیں گرفتار کرلیا بلکہ ان پر کیس بھی درج کرلیا گیا ۔دوسری جانب مشہور تاجر اور یوکرینی سیاستدان نے اپنی اہلیہ کے حوالے سے اس خبر کی تردید کرتے ہوئے کہا کہ میری بیوی بچے کی ولادت کے لیے یورپ جا رہی تھیں اور ان کے سامان میں کسی قسم کی رقم موجود نہیں تھی۔یوکرینہ حسینہ کے شوہر نے مزید کہا کہ ہمارا سارا پیسہ یوکرین کے بینک میں موجود ہے۔اس حوالے سے یوکرینی سیاستدان کے اہلیہ سے جب پوچھا گیا تو انہوں نے بتایا کہ وہ یہ رقم کسی یورپی ملک سے اپنے ساتھ لائی ہیں۔