اسلام آباد (این این آئی) پاکستان مسلم لیگ (ق )چوہدری شجاعت حسین اسلام آباد پہنچ گئے، سپیکر پنجاب اسمبلی چوہدری پرویز الٰہی (آج)جمعہ کو پہنچیں گے ۔ ذرائع کے مطابق پاکستان مسلم لیگ (ق) کے سربراہ چوہدری شجاعت حسین جمعرات کی شام اسلام آباد پہنچ گئے ہیں
جبکہ اسپیکر پنجاب اسمبلی اور مسلم لیگ (ق) کے مرکزی رہنما چوہدری پرویز الٰہی (آج)جمعہ کو پہنچیں گے ۔ ذرائع کے مطابق حکومت کی اتحادی جماعتوں ایم کیو ایم ، جی ڈ ی اے اور بلوچستان عوامی پارٹی (بی اے پی)کے رہنمائوں کی چوہدری شجاعت حسین اور چوہدری پرویز الٰہی سے اہم ملاقات ہوگی جس میں وزیر اعظم کے خلاف تحریک عدم اعتماد سمیت موجودہ سیاسی صورتحا ل پر تبادلہ خیال کیا گیا ۔ذرائع کے مطابق اتحادی جماعتوں کے اکثر اراکین نے اپنی اپنی قیادت کو اپوزیشن کے ساتھ دینے کا مشورہ دیا ہے ۔ ذرائع کا کہناہے کہ اتحادی جماعتوں کی جانب سے مشترکہ پریس کانفرنس میں اعلان بھی متوقع ہے ۔
