اسلام آباد (این این آئی)پیپلز پارٹی کے سینیٹر مصطفی نواز کھوکھر نے کہاہے کہ حکومتی ممبران کے سامنے آنے کے بعد وزیراعظم کو استعفیٰ دے دینا چاہیے۔ اپنے بیان میں انہوں نے کہاکہ عمران خان حکومت میں رہنے کا اخلاقی جواز کھو بیٹھے ہیں، اگر انھوں نے اپنی ضد جاری رکھی تو اگلے مرحلہ میں وفاقی وزرا کو بھی سامنے لے آئیں گے۔ انہوں نے کہاکہ اگر ان کو وفاقی وزرا کے نام پتہ
چلے جو اپوزیشن کے ساتھ رابطہ میں ہیں تو ان کے ہاتھوں کے طوطے اڑ جائیں گے۔سینیٹر مصطفی نواز کھوکھر نے کہاکہ ایک وفاقی وزیر نے تو مجھے خود کہا کہ خان صاحب کو معاملات کی سنگینی کا احساس ہی نہیں، خان صاحب کو مشورہ ہے کہ وزرا جو بیانات دے رہے ہیں ان پر مت جائیں۔ انہوں نے کہاکہ عوام بھی دھانسوں وزرا کے بیانات پر مت جائیں سب ہم سے رابطہ میں ہیں۔
