اسلام آباد(مانیٹرنگ ڈیسک)حکمران جماعت پاکستان تحریک انصاف اس وقت اندرونی خلفشار کا شکار ہے ، پارٹی میں آئے روز اختلافات کی خبریں سامنے آرہی ہیں ، جہانگیر ترین کے بعد علیم خان گروپ اور پھر تازہ خبر یہ ہے کہ مزید 14ارکان پنجاب اسمبلی نے اپنا ہم خیال گروپ بنا لیا ہے۔
تحریک انصاف کی موجودہ صورتحال پر عوام کی جانب سے دلچسپ میمز سامنے آرہی ہیں ، سوشل میڈیا پر ایک صارف نے لکھا ”اتنے تو بلڈ گروپ نہیں جتنے پی ٹی آئی میں سے گروپ نکل آئے ہیں” جبکہ ایک اور صارف نے لکھا کہ ”پی ٹی آئی نہ ہوگئی واٹس ایپ گروپ ہوگیا، ہر تھوڑی دیر بعد ناراض ارکان اپنا علیحدہ گروپ بنا لیتے ہیں، ایک صارف نے کمنٹ کیا کہ تحریک انصاف میں ہر بندہ اپنے بندے لے کر اپنا گروپ بنا رہا ہے خدشہ ہے خان صاحب کے پاس آخر میں مراد سعید ہی نہ رہ جائے ، ایک اور سوشل میڈیا صارف نے لکھا کہ”ع سے عمران اسماعیل ع سے عثمان بزدار کو بچانے کیلئے ع سے عمران خان کے حکم پر ع سے علیم خان کو ع سے عدم اعتماد سے روکنے آئیں گے ع سے عارف علوی کے کردار کے باوجود عین ممکن ہے کہ عین موقعہ پر سب عین غین ہو جائے اور ع سے عام انتخابات ہو جائیں ۔
