لاہور(این این آئی)مسلم لیگ(ن)پنجاب کی سیکرٹری اطلاعات عظمی بخاری نے کہا ہے کہ ایوان صدر اور وزیراعظم ہاوس کو آرڈیننس فیکٹری اور فرنس بنادیا ہے،
تبدیلی مافیا کی الٹی گنتی شروع ہوچکی ہے،اپوزیشن جماعتیں آئین اور قانون کے تحت ہی لٹیروں کو ایوان اقتدار سے جیلوں میں منتقل کرے گی۔اپنے بیان میں انہوںنے کہاکہ ہپی ٹی آئی نے پارلیمنٹ کو تالے لگادیے ہیں۔اپنی چوریاں چھپانے اور دوستوں کو شیلٹر فراہم کرنے کیلیے جعلسازی کی جارہی ہے۔نوازشریف کا بیانیہ اب پوری قوم کا بیانیہ ہے۔سلیکٹڈ وزیراعظم کی رخصتی پوری قوم کا مطالبہ بن چکا ہے۔سب ادارے ملکر بھی شریف خاندان اور لیگی رہنماؤں کی ایک دھیلے کی کرپشن ثابت نہیں کرسکے۔عمران خان کا جانا اب طے ہوچکا ہے آج گئے یا کل گئے۔کرایے کے ترجمان اپنی نئی نوکریوں کی تلاش شروع کریں۔شہباز شریف اور عدم اعتماد عمران خان کے لیے ڈراؤنا خواب بن چکے ہیں۔عمران خان اور ان کے چمچوں کو ایک ایک چوری کا حساب دینا ہوگا۔
