اسلام آباد (این این آئی)وفاقی کابینہ نے الیکٹرانک کرائم بل 2016 میں ترمیم کیلئے آرڈیننس کی منظوری دیدی ،آرڈیننس کے مسودے کے مطابق کسی کی پرائیویسی یا ساکھ کو نقصان پہنچانا ناقابل ضمانت جرم قراردیا گیا ہے ،نئے قانون میں تین سال سے سزا بڑھا کر پانچ سال کر دی گئی ہے،کسی کی ساکھ کو نقصان پہنچانے میں مدد کرنا بھی نا قابل ضمانت
جرم قرار دیا گیا ہے ،ٹرائل کورٹ کو 6 ماہ میں ٹرائل مکمل کرنے کا پابند بنا دیا گیا ہے ،شکایت درج کرانے کا اختیار متاثرہ شخص یا ادارے کے نمائندے کو بھی ہو گا جبکہ ٹرائل کورٹ کو ماہانہ کارکردگی رپورٹ متعلقہ ہائیکورٹ کو بھجوانا ہو گی ،اگر ٹرائل کورٹ نے بروقت کیس نہ نمٹایا تو حکومت ہائیکورٹ کو کاروائی کی سفارش کر سکے گی۔
