اسلام آباد (مانیٹرنگ ڈیسک) ریحام خان نے کبھی نہیں کہا کہ جو کتاب میں لکھا ہے وہ غلط ہے وہ بڑی دلیری کے ساتھ کھڑی ہیں، یہ بات معروف صحافی نجم سیٹھی نے کہی ان کا مزید کہنا تھا کہ خان صاحب کی ہمت نہیں پڑتی کہ ان کے خلاف کچھ کریں کیونکہ ان کے پاس تو بہت کچھ ہو گا وہ تو ان کے ساتھ رہی ہیں انہوں نے بہت کچھ دیکھا ہے اور کتاب میں بھی بہت کچھ لکھا ہے،
نجم سیٹھی کا کہنا تھا کہ یہ حکومت اپنی کارکردگیوں سے زخمی ہو چکی ہے، اب لوگ اس کے پیچھے پڑے ہوئے ہیں اور لوگ سچ بول رہے ہیں، مجھے افسوس ہے کہ خان صاحب سوچ نہیں رہے کہ آگے بھی رہنا ہے اور اگر سیاست کرنی ہے تو اس قسم کی حرکتیں لوگ بھولتے نہیں ہیں، لوگ بھی انتقام لیتے ہیں۔ دوسری جانب ایک سوال کے جواب میں غلام سرور خان نے کہا کہ ریحام خان پہلے زلفی بخاری سے معافی مانگ چکی ہے ریحام خان کیخلاف لوگ عدالتوں میں گئے ہوئے ہیں ریحام خان نجی محفلوں میں اپنی کتاب میں لکھی باتوں پر ندامت کا برملا اظہار کرچکی ہے آرمی چیف کے مدت میں توسیع دینے میں حکومت اور اپوزیشن نے ساتھ دیا آرمی چیف کے توسیع میں وہی فیصلہ ہوگا جو قوم کے مفاد میں ہوگااس وقت 2 ایشوز بڑے ہیں ایک تحریک عدم اعتماد دوسرا اپوزیشن کے لانگ مارچ اپوزیشن میں نہ کسی نے استعفیٰ دیا نہ کسی نے استعفیٰ لیا ان دھرنوں سے کچھ حاصل نہیں ہوناوزیراعظم نے بھی اعلان کیاہے کہ اپوزیشن تحریک عدم اعتمادکا شوق پورا کر لے اپوزیشن صرف بے یقینی کی فضا قائم کرنا چاہتی ہے دھرنوں، مارچوں اور تحریکوں سے کچھ نہیں ہوتاہم اپوزیشن کی عدم اعتماد کی تحریک کو خوش آمدید کہتے ہیں انکا آئینی حق ہے اتحادی حکومت کے ساتھ ہے اور ساتھ رہیں گے اپوزیشن نے اتحادیوں کو توڑنے کی کوشش کی لیکن بُرے طرح ناکام ہوئے اپوزیشن کی اپنی صفوں میں انتشار موجود ہے
پیپلز پارٹی اور نون لیگ کے اندر پھوٹ ہے اپوزیشن کا ایجنڈا ملک کو عدم استحکام میں دھکیلنا ہے مہنگائی کے حوالے سے ایک سوال کے جواب میں انہوں نے کہا کہ تیل مہنگا ہوگا تو گیس مہنگی ہوگی سب کچھ مہنگا ہوگااس وقت ساری دنیا کی معیشت مشکلات کا شکار ہیں دنیا کی بڑی بڑی ائیر لائنیں بیٹھ گئی ہم پھر بھی بہتر رہے کوئی شک نہیں مہنگائی ہے لیکن حکومت ہر ممکن کوشش کررہی ہے عوام کو ریلیف ملے۔
