اسلام آباد (این این آئی)پیپلزپارٹی پارلیمنٹرین کی سیکرٹری اطلاعات شازیہ مری نے کہا ہے کہ پاکستان کیلئے دی اکانومسٹ کی رینکنگ رپورٹ نوشتہ دیوار ہے۔ اپنے بیان میں شازیہ مری نے کہاکہ پاکستان کا نیم جمہوری ممالک میں شمار سلیکٹڈ وزیراعظم کی کارکردگی ہے ۔ انہوںنے کہاکہ عمران خان نے دنیا میں پاکستان کا تشخص ملیامیٹ کردیا ہے ،ملک کا
جمہوری وقار بحال کرنے کیلئے قوم بلاول بھٹو زرداری کا ساتھ دے۔ شازیہ مر ی نے کہاکہ بلاول بھٹو زرداری 27 فروری کو مک بچانے کیلئے کراچی سے اسلام آباد تک لانگ مارچ کریں گے۔ انہوںنے کہا کہ پیپلزپارٹی کی قیادت اور کارکنوں نے جمہوریت کی خاطر جانیں قربان کی ہیں، بلاول بھٹو زرداری پاکستان کا جمہوری تشخص بحال کریں گے۔
