پیرس(این این آئی)ایچ آئی وی وائرس کی دریافت کرنے والے فرانسیسی سائنسدان لوچ مونتانیے 89 سال کی عمر میں چل بسے۔میڈیارپورٹس کے مطابق لوچ مونتانیے اور فرانسوا کو 2008 میں ایچ آئی وی کی دریافت پر نوبیل کا مشترکہ انعام دیا گیا تھا۔پیرس میں ان کی لیبارٹری میں 1983 میں ایک ایسا وائرس دریافت کرنے پر
عالمی سطح پر پذیرائی حاصل کی تھی جس کے متعلق پہلے کوئی نہیں جانتا تھا۔رپورٹس کے مطابق اس وائرس کو بعد میں 1986 میں ایچ آئی وی ایڈز کا وائرس بتایا گیا۔لوچ مونتانیے کی کامیابی نے ایچ آئی وی ٹیسٹ اور اینٹی ریٹرو وائرل کی ادویات بنانے میں فائدہ فراہم کیا جو کہ مہلک پیتھوجین کو دور رکھتی ہے۔
