لاہور( این این آئی )سیشن عدالت نے گواہان کے منحرف ہونے پر باپ کو نشہ آور گولیاں کھلا کر تشدد کر قتل کرنے کے کیس میں گرفتار بیٹی اور اس کے آشنا کو بری کرنے کا حکم سنا دیا ۔ ایڈیشنل سیشن جج سجاد قاسم نے ملزمان کو بری کرنے کا حکم سنایا ۔ملزمان کے خلاف تھانہ فیصل ٹائون میں قتل کی دفعات کے تحت مقدمہ درج کیا گیا تھا۔عدالت نے ملزمان حسنین علی اور عائشہ کو بری کرنے کا حکم سنایا۔پراسیکیویشن کی جانب سے موقف اپنایا گیا تھاکہ ملزمہ عائشہ نے آشنا کے ساتھ مل کر والد پرویز اقبال کو قتل کیا ،عدالت ملزمان کو سزا کا حکم جاری کرے۔ تاہم گواہان کے منحرف ہونے پر عدالت نے ملزمان کو بری کر دیا۔