پیر‬‮ ، 07 اپریل‬‮ 2025 

ملتان سلطانز اب تک ناقابل تسخیر، پشاور زلمی کو شکست کا سامنا

datetime 10  فروری‬‮  2022
ہمارا واٹس ایپ چینل جوائن کریں

لاہور(مانیٹرنگ ڈیسک)پاکستان سپر لیگ کے سیزن سیون کے 16ویں میچ میں پشاور زلمی نے ملتان کے خلاف ٹاس جیت کر پہلے بالنگ کا فیصلہ کیا۔ملتان سلطانز نے ٹیم میں ایک جبکہ پشاورزلمی نے دو تبدیلیاں کیں۔سلطانز نے رائلی روسو کو اسکواڈ کا حصہ بنایا جبکہ لیام لیونگسٹن اور حسین طلعت کوپشاور زلمی کی فائنل الیون میں شامل کیا گیا جبکہ حضرت اللہ زازائی کو ڈراپ کردیاگیا۔

ملتان سلطانز کی طرف سے اننگز کا آغاز شان مسعود اور محمد رضوان نے کیا۔ دونوں اوپننگ بیٹر نے شاندار بیٹنگ کا مظاہرہ کیا اور ملتان سلطانز کی پہلی وکٹ 98 کے مجموعی سکور پر گری، محمد رضوان نے 34 رنز بنائے اور وہ وہاب ریاض کی گیند پر ایل بی ڈبلیو آؤٹ ہوئے۔ شان مسعود نے 68 رنز بنائے اور وہ سلمان ارشاد کی گیند پر وہاب ریاض کے ہاتھوں کیچ آؤٹ ہوئے۔ رئیلی روسو نے 7 گیندوں پر15 رنز بنائے اور وہ سلمان ارشاد کی گیند پر کٹنگ کے ہاتھوں کیچ آؤٹ ہوئے۔ ٹم ڈیوڈ نے 18 گیندوں پر 34 رنز بنائے اور وہ وہاب ریاض کی گیند پر محمود کے ہاتھوں کیچ آؤٹ ہوئے۔ انور علی نے ایک رنز بنایا اور رن آؤٹ ہو کر واپس چلے گئے۔ خوشدل شاہ نے 7 گیندوں پر 11 رنز بنائے اور انہیں ثاقب محمود نے آؤٹ کیا۔ عباس آفریدی نے پانچ رنز بنائے اور وہ ثاقب محمود کا شکار بنے۔ پشاور زلمی کی جانب سے سلمان ارشاد، ثاقب محمود اور وہاب ریاض نے دو دو کھلاڑیوں کو آؤٹ کیا، ملتان سلطانز نے مقررہ بیس اوورز میں سات وکٹوں کے نقصان پر 182 رنز بنائے اور پشاور زلمی کو جیت کے لئے 183 رنز کا ہدف دیا۔پشاور زلمی کی جانب سے اننگز کا آغاز کامران اکمل اور حیدر علی نے کیا، حیدر علی نے ایک رنز بنائے اور وہ موزا ربانی کا شکار بنے، کامران اکمل نے چار رنز بنائے اور وہ موزا ربانی کی گیند پر شاہنواز دھانی کے ہاتھوں کیچ آؤٹ ہو گئے، لیام لیونگ سٹون نے 24 رنز بنائے

اور وہ عباس آفریدی کی گیند پر محمد رضوان کے ہاتھوں کیچ آؤٹ ہو گئے۔ شعیب ملک نے اچھی بیٹنگ کا مظاہرہ کیا لیکن وہ 31 گیندوں پر 44 رنز بنا کر عمران طاہر کی گیند پر شان مسعود کے ہاتھوں کیچ آؤٹ ہو گئے، حسین طلعت چار رنز بنا سکے وہ شاہنواز دھانی کی گیند پر انور علی کے ہاتھوں کیچ آؤٹ ہوئے، شرفین ردرفورڈ نے

اکیس رنز بنائے اور وہ موزاربانی کی گیند پر ڈیوڈ کو کیچ دے بیٹھے۔ وہاب ریاض نے ایک رنز بنا اور وہ خوشدل شاہ کی گیند پر انور علی کے ہاتھوں کیچ آؤٹ ہوئے۔ محمد عمر کوئی رنز نہ بنا سکے انہیں شاہنواز دھانی نے محمد رضوان کے ہاتھوں کیچ آؤٹ کروایا۔ بین کٹنگ نے 11 گیندوں پر 23 رنز بنائے اور وہ خوشدل شاہ کی گیند پرڈیوڈ

کے ہاتھوں کیچ آؤٹ ہوئے۔ سلمان ارشاد نے دو رنز بنائے اور وہ خوشدل شاہ کا شکار بنے، اس طرح 19.2 اوورز میں پشاور زلمی کی ٹیم صرف 140 رنز بنا سکی۔ ملتان سلطانز اب تک کھیلے گئے میچوں میں ناقابل تسخیر ہے۔ ملتان سلطانز کی جانب سے بلیسنگ موزاربانی اور خوشدل شاہ نے تین تین کھلاڑیوں کو آؤٹ کیا، شاہنواز دھانی نے دو جبکہ عباس آفریدی اور عمران طاہر نے ایک ایک کھلاڑی کو آؤٹ کیا۔

موضوعات:



کالم



زلزلے کیوں آتے ہیں


جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…