اسلام آباد (این این آئی)چیئرمین نادرا طارق ملک نے کورنگی نادرا دفتر پر خاتون شہری کے ساتھ بدتمیزی سے پیش آنے والے واقعے پر سخت نوٹس لے لیا چیئرمین نادرا نے خاتون کے ساتھ ناروا سلوک پر اسسٹنٹ ڈائریکٹر عامر سراج کو معطل کر دیا۔چیئرمین نادرا نے ڈی جی کراچی کو ہدایت کی کہ انکوائری کر کے جلد از جلد قوائد وَ ضوابط کے مطابق ملوث ملازم کے خلاف ایکشن لیا جائے ۔ چیئر مین نادرا نے کہاکہ قومی ادارے میں ناقص کارکردگی اور شہریوں کے ساتھ اخلاق سے پیش نہ آنے والے ملازمین کی کوئی جگہ نہیں۔