لاہور (این این آئی)انگلش کرکٹر جیمز وینس نے کہا ہے کہ پاکستان میں کرائوڈ کا شور کرکٹ کا مزہ بڑھا دیتا ہے۔ایک انٹرویومیں جیمز وینس نے کہا کہ اکتوبر میں انگلینڈ کا دورہ پاکستان شیڈول کے مطابق نہ ہونا مایوس کن تھا۔انہوں نے کہا کہ فیصلے اوپر کے لوگ کرتے ہیں، کھلاڑیوں کو فیصلوں سے آگاہ کیا جاتا ہے

، متعدد بار پاکستان آچکا ہوں، ہمیشہ خود کو محفوظ تصور کیا۔انگلش کرکٹر نے کہا کہ مجھ سے کھلاڑی جب تجربے کا پوچھتے ہیں تو مثبت فیڈ بیک ہی دیتا ہوں، امید ہے انگلش ٹیم جب آئیگی تو فل کرائوڈ کے سامنے میچز ہوں گے۔انہوںنے کہاکہ پی ایس ایل میں کھیل کر مختلف کنڈیشنز کا اچھا تجربہ ہوا ہے۔