اسلام آباد (این این آئی)وزیراعظم کے مشیر برائے تجارت عبدالرزاق دائود نے کہا ہے کہ پاکستان اور چین کے درمیان صنعتی تعاون کیلئے فریم ورک معاہدے پر دستخط ہوگئے ہیں،فریم ورک معاہدہ سی پیک کے دوسرے مرحلے کیلئے بریک تھرو ہے۔اپنے ٹویٹ میں انہوں نے کہا کہ وزیر اعظم کے دورہ چین کے ثمرات ملنا شروع ہوگئے ہیں، چین کے ساتھ معاہدہ بزنس ٹو بزنس تعاون اور صنعتوں کی منتقلی سے متعلق ہے۔ وزیراعظم کے مشیر برائیتجارت نے کہا کہ اس معاہدے کا بلواسطہ اور بلا واسطہ معیشت کو فائدہ ہوگا، سرمایہ کاری بورڈ کو اس اہم کامیابی پر مبارکباد دیتا ہوں۔