اسلام آباد (این ای آئی)اقتصادی رابطہ کمیٹی(ای سی سی) نے پاک فوج کو کورونا سے متعلقہ امور سے نمٹنے کیلئے سپلیمنٹری گرانٹ کی منظوری دے دی۔وزیر خزانہ

شوکت ترین کی زیر صدارت اقتصادی رابطہ کمیٹی کا اجلاس ہوا جس میں پیپرا کیلئے 55.50 کروڑ اور ایس ڈی جی پروگرام کیلئے 8.19 ارب روپے کی تکنیکی گرانٹ منظور کی گئی۔اجلاس میں پاک فوج کو کورونا سے متعلقہ امور سے نمٹنے کیلئے سپلیمنٹری گرانٹ کی بھی منظوری دی گئی جبکہ سیالکوٹ سمبڑیال موٹر وے کیلئے 6 ارب سے زائد روپے کی ریاستی گارنٹی منظور کی گئی۔سینڈک میٹل لمیٹڈ اور ایم سی سی چائنا کے درمیان سینڈک کاپر گولڈ معاہدہ لیز میں توسیع کی منظوری بھی دی گئی اور اس کے علاوہ کے الیکٹرک کو آر ایل این جی کی فراہمی کیلئے قیمت کا تعین بھی کیا گیا۔سرکاری بجلی گھروں کو نجی بجلی گھروں کے برابر بقایا جات کی ادائیگی کی منظوری دی گئی، آئی پی پی مالکان کو منافع پر 7.5فی صد کی شرح سے ٹیکس ادائیگی کی منظوری دی گئی ہے۔