فیصل آباد (این این آئی)وزیراعظم عمران خان نے ایک بار پھر پاکستان پیپلزپارٹی کے چیئرمین بلاول بھٹو زرداری کو نام لیے بغیر تنقید کا نشانہ بناتے ہوئے کہاہے کہ 13 سال ہوگئے اب تک اردو بولنا نہیں آئی۔وزیراعظم نے صحت کارڈ کیاجراء کی تقریب میں شرکت کی اور خطاب بھی کیا۔ اس موقع پر عمران خان نے اپوزیشن رہنماؤں کو تنقید کا نشانہ بنایا۔بلاول کا نام لیے بغیر وزیراعظم کا کہنا تھاکہ 13 سال ہوگئے اب تک اردو بولنا نہیں آئی، بارش ہوتا ہے تو پانی آتا ہے۔انہوں نے کہا کہ وہ کہتا ہے کہ ہم ہیلتھ انشورنس پر نہیں اسپتالوں پرپیسے خرچ کریں گے، ساڑھے 13 سال سے اقتدار میں ہیں، روکا کس نے ہے آپ کو؟ کبھی گاؤں میں جاکر دیکھیں لوگوں کے حالات کیا ہیں۔