اوکاڑہ( این این آئی) اوکاڑہ کے نواحی علاقہ لاشاریاں میں گھریلو تنازعہ پر خاوند نے اپنی والدہ اور بہن کے ہمراہ بیوی کو زہر دے کر قتل کر دیا ، ملزم فرارہوگیا۔

تفصیلات کے مطابق اوکاڑہ کے نواحی گاؤں لشاریاں کے رہائشی آغا خان کی شادی 5 ماہ قبل شکر گڑھ کی رہائشی رمشاء کے ساتھ ہوئی شادی کے کچھ عرصہ بعد میاں بیوی کے مابین اس بات پر جھگڑا شروع ہوگیا کہ آغا خان غیر لڑکیوں کو گھر میں لاتا تھا اس دوران رمشہ روٹھ کر میکے چلی گئی چند روز قبل آغا خان اسے منا کر گھر لے آیا گزشتہ شب آغا خان نے اپنی والدہ پٹھانی بی بی اور بہن کے ہمراہ مل کر رمشا کو زہر دے دیا جس سے وہ جاں بحق ہو گئی مقتولہ کے والد کی مدعیت میں تھانہ راوی پولیس نے قتل کی دفعات کے تحت مقدمہ درج کر کے لاش پوسٹ مارٹم کے لیے اسپتال منتقل کر دی اور فرار ملزمان کی گرفتاری کے لیے چھاپے مارنے شروع کردیے۔

موضوعات:قتل