لاہور( این این آئی) اٹارنی جنرل پاکستان نے مسلم لیگ (ن) کے قائد نواز شریف کی وطن واپسی کے معاملے پر ہوم سیکرٹری پنجاب کو خط لکھ دیا ۔اٹارنی جنرل آفس کی جانب سے ہوم سیکرٹری پنجاب کو لکھے گئے خط میں کہا گیا ہے کہ ڈاکٹر فیاض شال کی جانب سے مسلم لیگ (ن) کے قائد نواز شریف کی صحت کے حوالے سے مرتب کر کے لاہور ہائیکورٹ میں پیش کی گئی رپورٹس کا جائزہ لے کر اس سے تفصیلی آگاہ کیا جائے گا ۔خصوصی میڈیکل بورڈ کی رائے کے بعد اٹارنی جنرل آفس عدالت کے حکم کے تحت مزید کارروائی عمل میں لائے گا ۔ یاد رہے کہ ڈاکٹر فیاض شال کی مرتب کردہ رپورٹ مسلم لیگ (ن) کے صدر نواز شریف کی جانب سے لاہور ہائیکورٹ میں جمع کرائی گئی تھی ۔