اسلام آباد (این این آئی)وزیراعظم عمران خان نے کہا ہے کہ پاکستان چین کے ساتھ برادرانہ تعلقات کو انتہائی قدر کی نگاہ سے دیکھتا ہے،دورہ چین دونوں ممالک کے درمیان مضبوط تعلقات کو نئی بلندیوں تک پہنچانے میں مددگار ثابت ہو گا۔ حالیہ دورہ میں پاک چین تعلقات کو
نئی بلندیوں تک پہنچاؤں گا، ان خیالات کا اظہار انہوں نے دورہ چین کے حوالے سے اعلی سطحی اجلاس کی صدارت کرتے ہوئے کیا۔اجلاس میں وزیراعظم کو پاکستان اور چین کے مابین سی پیک، اسپیشل اکنامک زونز، سرمایہ کاری، تجارت، انفارمیشن ٹیکنالوجی اور زراعت کے شعبوں میں تعاون بڑھانے کے لیے جاری ٹھوس منصوبوں پر ہونے والی پیشرفت پر تفصیلی بریفنگ دی گئی۔وزیراعظم عمران خان نے کہا ہے کہ پاکستان چین کے ساتھ برادرانہ تعلقات کو انتہائی قدر کی نگاہ سے دیکھتا ہے اور ان کا دورہ چین دونوں ممالک کے درمیان مضبوط تعلقات کو نئی بلندیوں تک پہنچانے میں مددگار ثابت ہو گا۔ اجلاس میں وفاقی وزراء شوکت ترین، فواد چوہدری، اسد عمر، حماد اظہر، مشیرتجارت عبدالرزاق داود، وزیر مملکت فرخ حبیب، قومی سلامتی مشیر ڈاکٹر معید یوسف، معاون خصوصی شہباز گل اور خالد منصور نے شرکت کی۔