لاہور (آن لائن) محکمہ موسمیات نے رواں ماہ فروری میں بارشوں کی پیش گوئی کرتے ہوئے کہا ہے کہ بارشیں برسانے والا شمال مغربی ہوائوں کا ایک سسٹم پنجاب میں داخل ہوچکا ہے جس کے باعث آج بروز جمعرات شہر اور گردو نواح کے علاقوں میں درمیان درجے کی

بارشوں کا امکان ہے محکمہ موسمیات کے مطابق آج بروز جمعرات ہونے والی بارش رواں ماہ فروری کے آغاز کی پہلی بارش ہوگی جس کے مثبت اثرات مرتب ہونگے محکمہ موسمیات کے مطابق بدھ کے روز شہر کا مطلع ابر آلود رہا شہر میں کہیں سورج اور کہیں بادلوں کا کھیل جاری رہا جبکہ شہر کے مختلف علاقوں میں حلقی بوندا باندی کا سلسلہ بھی جاری رہا محکمہ موسمیات کا یہ بھی کہنا ہے کہ گزشتہ روز شہر کا کم سے کم درجہ حرارت 10 ڈگری سینٹی گریڈ اور زیادہ سے زیادہ 18 ڈگری سینٹی گریڈ ریکارڈ کیا گیا شہر میں فضائی آلودگی کی شرح 143 ریکارڈ کی گئی جس کے باعث لاہور دنیا کے آلودہ ترین شہروں میں پانچویں نمبر پر رہا۔