اسلام آباد (این این آئی)84 فیصد پاکستانیوں نے ملک کا سب سے بڑا مسئلہ مہنگائی کو قرار دے دیا۔پلس کنسلٹنٹ کے تازہ ترین سروے میں شہریوں نے اپنی رائے دی جس کے مطابق 80 فیصد لوگ سمجھتے ہیں کہ بے روزگاری ملک کا سب سے بڑا مسئلہ ہے ،37 فیصد عوام کی نظر میں کرپشن ملک کا اہم مسئلہ ہے۔سروے کے مطابق65 فیصد پاکستانی ملک کے خراب معاشی

حالات کا ذمہ دار موجودہ حکومت جب کہ 29 فیصد سابقہ حکومتوں کوسمجھتے ہیں۔63 فیصد پاکستانیوں کی نظرمیں حکومت لوٹی گئی ملکی دولت واپس لانے میں بھی ناکام رہی تاہم ساتھ ہی عوام اپوزیشن کے دعوؤں سے بھی غیرمطمئن دکھائی دی۔سروے کے مطابق 51 فیصد نے ملکی معیشت بین الاقوامی مالیاتی ادارے آئی ایم ایف کے حوالیکرنے کے اپوزیشن کے الزام کو غلط قرار دے دیا۔